طب ما انا مستنى وايهههههههه يعنى

طب ما انا مستنى
الحزن الدايب فينا .. دايب جامد اوى ومنسينا
راقد على امانينا .. راقده حلوه .. طب ما يرقد وايه يعنى ؟؟
طب راح نعمل ايه واحنا نسينا اسامينا ؟؟
هو دا بأه حالنا .. هيييييه دنييييييييييييييياااااااااا
طب ولو ارضنا جت سألتنا
اةةةةةةة هو دا الجلاد .. وهو دا السفاح
يا بنى يا ضنايا .. قوم عشانى أحمينى .. وحاول ترحمنى .
دانتا من ترابى .. وشارب من دمى .. يا بنى يا ضنايا ارحمنى
رد عليها واحد من ولادها ألها
ايوة انا عارف انتى امى .. وانى عشت هنا وصورتك فى قلبى
بس انا .. بس انا
عايز ارد عليكى ومستنى
بقولك ايه وايه يعنى انا مستنى ؟؟
وايه يعنى لما كام طفل يموت .. طب ما انا هنا مستنى
وايه يعنى لما العرض يتهتك .. ماهو كلوا مستنى
يعنى انا لوحدى اللى مستنى
يا امى .. معلش سيبنى فى حالى عايز اعيش عايز اعيش
بس انا .. مضايق .. اوعى تفتكرى انى مش حاسس بس انا مستنى
ايوه بجد مضايق .. ومستنكر .. وشاجب اوى حتى بصى على عينيه مدمعه كمان اوى
ياةةةةةة اد كده هانت علينا .. اد كده مافيش صوت يخرج من التراب
يقول بأعلى حسوا .. بنبره الم
كفايه دا ظلم كفايه بأه حسوا .. دا اللى مالوش خير فى امه يا تعاسه حظوا
يقولها وبقلبه وليد .. يلا بينا وحى على المقاومه .. يلا بينا نازلين رافعين ايدينا للعلالى
يالا دا حس الانسانيه .. ولا هى مافيهاش خلاص انسانيه
بقى فيها ولا ما فيها وايه يعنى؟؟
بقولكوا ايه لو هنعمل مجلس غضبانين يبقى فى الجراج عندى شوفوا مين عايز يجى ولا هيقولى دانا كمان مستنى
عشان يمكن نعرف ناخد قرار ولو معرفناش يبقى انا هنا لوحدى مستنى
واشمعنى انا طب ما انا مستنى وايهههههههههههههههههههههههه يعنى !!!!!

هيثم قاسم
17/8/2006