واتعلمت الصبر

واتعلمت الصبر

يا زمن يا غدار .. يا أسى علينا
دى حتى بوئعت نور مستخسرها ليه فينا
ساكتين وعايشين وخايفين..
ولا عارفين بكره أيه انكتب علينا

يا زمن امتى بقى تحن علينا ..

ادى الأيام رايحه و جايه بينا
وندور فيها على ايه .. وهتفيد بأيه أسامينا
هو دا اللى نكتب وحافظينه ..
ولايمكن ينكتب حاجه من أمانينا

يا عم يا أيوب .. يا عم يا أيوب
انا عارف انك صابر واحنا صابرين معاك ..
بس الحكايه أيه..
طالت أوى ليالينا.. ,
ومش عارفين أيه معنى لأغانينا
وادينا ماشين وراك وناسين وياك خطاوينا
هنصبر تانى لأمتى على صبر من غير أمل
وانت اللى صابر بس على حكاوينا
هى الدنيا كده .. راسملنا طريق الصبر ومين يحس بينا
واللى خدناه منها رغيف عيش ناشف وحبه ملل
ونقول الاه ليه دايما وانت أيه هتدينا
دى سنين وغربه متقسمه فيها بلاوينا

يا عم يا أيوب .. اصحى شويه لينا
ماتشوفلك اسم تانى .. يعرف ازاى ينسينا
بئلنا زمن عارفينك يا عم ايوب ..
ونفسنا فى داوا منك يداوينا
ارحمنا يا عم أيوب ..واحمينا
واوعى فى يوم تخلى بينا
وشوفلنا شويه صبر على صبرك
وعلمنا ما حنا أهو عايشين وصابرين بصبرك

يا عم أيوب .. هقولك حاجه وامشى

صابر والله يا عم أيوب صابر
واخرتها أيه معاك وانا صابر
الحزن مالوش دعوه دنا اسمى صابر
واتعلمت الصبر وبرده لسه مش صابر